Mer sinn e gmischti Gugge mit momentan 32 Mitgliider im Alter vo 18-50.

Syt 1975 mache mer Musig und nämme nadyrlig an dr Basler Fasnacht dail.

Au s Joor duure lauft immer wiider ebbis. Siggs e Grillplausch, Musig-Weekend oder Santiglaus, mer wette d'Frindschaft und Gselligkait unter de Mitglider pfläge, e so dass es jedem wool isch bi uns.

Wills immer wie me Mitgliider gä hett, wo Kinder bykoo hänn, het me sich au emool entschlosse, dass me fir d Kinder ebbis kennt mache. Drumm hänn mer immer am Cortège e Waage derbyy, wo d'Kinder kenne aggtiiv mitmache.

Wenn au Du nümm wettsch am Strooserand stoo, sondern ebbis zer traditionsryychschte Fasnacht bytraage denn lueg doch e Mool bi uns yyne.

Mer broobe am Donnschtig vom Achti bis am Zääni im Käller vo de Guggemysli an dr untere Räbgass 18 (Ygang Rappoltshof) oder lytsch dr Preesidäntin Isabella Herrmann aa uff 076 399 25 05